Árleg gleði í Glæsibæ

Árleg gleði í Glæsibæ

Árleg gleði í Glæsibæ

Hið árlega skemmtikvöld Glæsibæjar, Álfheimum 74, verður haldið með pompi og pragt þann 10. nóvember. Í tilefni þess verða tilboð og afslættir út um allt hús. Stöllurnar Gyða Agnarsdóttir og Sólrún Pétursdóttir, eigendur Snyrtistofunnar Deluxe, komu ferskar inn í Glæsibæ í nóvember fyrir þremur árum með fyrirtæki sitt. Þær fannst vanta smá líf í Álfheimana og héldu því fyrsta skemmtikvöld Glæsibæjar. Nú hefur gleðin verið haldin árlega í þrjú ár og virðist ekki ætla að ljúka. Að þessu sinni heldur hin óviðjafnanlega Sigga Kling uppi fjörinu fram eftir kvöldi og eftir að Sessý hefur sungið fáein sígild lög, mun danspar frá Dansskóla Jóns Péturs og Köru taka nokkur vel valin dansspor. Boðið verður upp á léttar veitingar og að auki verður happdrætti með veglegum vinningum frá verslunum Glæsibæjar. Gleðin byrjar klukkan 18:00 og lýkur kl. 21:00.

Snyrtifræðingar Snyrtistofunnar Deluxe.
Snyrtifræðingar Snyrtistofunnar Deluxe.

Deluxe nóvembertilboð

Í tilefni þriggja ára afmælis Snyrtistofunnar Deluxe verður nóvembermánuður stútfullur af góðum tilboðum. Boðið verður upp á 30% afslátt af öllum Green Peel meðferðum. Auk þess fylgir augnháralitun öllum Lash Lift meðferðum og veglegur kaupauki fylgir öllum keyptum vörum úr Schrammek línunni á meðan byrgðir endast. Starfsmenn Deluxe snyrtistofunnar, Gyða, Sólrún, Valgerður Ósk Daníelsdóttir og Helena Jóhannsdóttir eru allar fagmenn á sínu sviði og veita fyrsta flokks þjónustu. Þær bjóða upp á alla alhliða snyrtingu svo sem varanleg förðunartattoo, sleekbrow, neglur, förðun, augnháralengingu, Lash Lift og Green Peel meðferðir.

Green Peel og steinanudd.
Green Peel og steinanudd.

Green Peel

Green Peel meðferðin var upphaflega þróuð af Christine Schrammek fyrir fimmtíu árum, til þess að vinna á óhreinni og skemmdri húð. Green Peel er virk blanda af átta náttúrulegum ensímum, jurtum, steinefnum og vítamínum, þar á meðal spírulínu. Efnið vinnur vel á minnkandi sveigjanleika húðar, appelsínuhúð, óhreinni húð, hrukkum, örum, stækkun svitahola, ótímabærri öldrun húðar og húðsliti til dæmis á andliti, maga og lærum. Í boði eru fjórar meðferðir: Classic, Energy, Fresh Up og Mela White og er hver meðferð valin eftir því hvaða árangri viðskiptavinur vill ná.

Schrammek vörurnar eru frábærar.
Schrammek vörurnar eru frábærar.

Meðferð fer þannig fram að flögnunarferli húðarinnar er virkjað með því að nudda Green Peel efninu í húðina. Að því loknu er efnið þrifið af og kælandi maski og loks Special care cream borið á, til þess að koma í veg fyrir roða og ertingu. Áhrifin koma fram á tveimur til fimm dögum, allt eftir húðgerð hvers og eins og á þeim tíma er mikilvægt að fara eftir þeim leiðbeiningum, sem gefnar eru og nota einungis þær Dr. Schrammek vörur sem fylgja meðferðinni. Að auki má ekki bleyta andlitið með vatni í fimm daga. Klassískri meðferð lýkur á eftirmeðferð fimm dögum eftir upphaflegu meðferðina, þar sem húðin er vel nærð og dauðar húðfrumur nuddaðar af. Mismunandi er eftir húðgerð, hversu margar meðferðir eru nauðsynlegar til þess að ná sem bestum árangri. Hin upprunalega Green Peel meðferð hefur sannað sig um allan heim og til þess að geta veitt Green Peel meðferð, þurfa snyrtifræðingar að hafa sveinspróf og sækja námskeið á vegum Dr. Schrammek. Í nóvember er 30% afsláttur á öllum Green Peel meðferðum hjá Deluxe og veglegur kaupauki fylgir öllum keyptum vörum úr Schrammek línunni, á meðan byrgðir endast.

Lash Lift veitir ótrúlegan árangur.
Lash Lift veitir ótrúlegan árangur.

Lash Lift

„Lash Lift er næstum því eins og augnhárapermanent nema betra,“ segir Gyða. Permanentið sveigir augnhárin á meðan Lash Lift meðferðin brettir upp á hárin alveg frá rótum, þannig að þau virðast lengri og óþarfi verður að nota augnhárabrettara. Árangurinn er ótrúlegur og endist í 6-8 vikur. Í nóvember fylgir augnháralitun öllum Lash Lift meðferðum.

deluxedekur heitir snyrtistofan á Snapchat.
deluxedekur heitir snyrtistofan á Snapchat.

Deluxe snyrti og dekurstofa er staðsett í Glæsibæ, Álfheimum 74, 104 Reykjavík.
Hafa má samband í síma 571-0977 eða með því að senda póst á veffangið deluxe@deluxe.is
Nánari upplýsingar má nálgast á facebooksíðu snyrtistofunnar
Að auki má fylgja Deluxe á Snapchat á nafninu deluxedekur.